Кара-Балтанын вице-мэри кызмат абалынан кыянат пайдаланууга шектелүүдө
- 1 неделя мурун
Кара-Балта шаарынын мэриясынын кызмат адамдары тарабынан кызматтык абалын кыянаттык менен пайдалануу фактысы аныкталды.
Бул тууралуу Улуттук коопсуздук мамлекеттик комитети (УКМК) билдирди.
Маалыматта айтылгандай, Кара-Балта шаарынын мэриясына караштуу “Жол курулуш башкармалыгы” муниципалдык ишканасынын директору Э.М.У. Кара-Балта шаарынын вице-мэри К.А.У. менен кылмыштуу бүтүмгө келип, муниципалдык ишкананын жана жергиликтүү бюджеттин кызыкчылыктарына зыян келтирүү менен жеке жактарга кум-шагыл аралашмасын жана битумдук асфальтты мыйзамсыз сатууга шектелүүдө.
Аталган адамдар кармалып, УКМКнын убактылуу кармоочу жайына киргизилди.
Сүрөт: УКМК
Муну бөлүшүү
