Камчаткада соңку 50 жылда болуп көрбөгөндөй кар жаады

7 месяцев мурун

Камчаткада акыркы 50 жылда болуп көрбөгөндөй кар жаады. Айрымдар батирлеринен сыртка терезе аркылуу чыгышканы тууралуу маалымдалууда.

Петропавловск-Камчатск шаарында 2025-жылдын декабрь айында 377 мм кар жаап, айлык нормадан 317 пайызга көп болгон. Ал эми 2026-жылдын январь айынын биринчи жарымында 163,6 мм кар жааган, бул айлык норманын 150%ын түзгөн. Бул тууралуу “Камчатка-Информ” басылмасы билдирген.

Айрым жерлерде кардын калыңдыгы 2,5 метрге чейин жеткен. Ал эми жергиликтүү жашоочулар социалдык тармактарда кардын калыңдыгы 5 метрге чеийн жеткендигин жазышкан.

Петропавловск-Камчатскиде муниципалдык деңгээлде өзгөчө кырдаал жарыяланган.

Кардын калың жааганынан улам шаарда жүргүнчүлөр автобусу каттабай калып, аларды атайын вахта унааларында жеткиришкен.17-январдан баштап автобустар каттай баштаган, бирок алардын кыймылы да чектелүү болгон. Үйлөрдү кардан тазалоого жергиликтүү тургундарга куткаруучулар жана аскер адамдары жардамга барышкан.

Мектептер жана крайдын мекемелери аралыктан окууга өткөрүлгөн.