Көк-Мойнокто селдин кесепетин жоюу иштери аткарылууда
- 1 год мурун
Бүгүн, 28-августта, Ысык-Көл облусунун Тоң районунун Көк-Мойнок-1 айылында селдин кесепетин тазалоо иштерин жүргүзүүгө башкармалыктын үч адамдан турган ыкчам топ, Балыкчы шаарынан 17, Тоң районунан 6, Ысык-Көл районунан 2 куткаруучу чыкты.
Бул тууралуу өзгөчө кырдаалдар министрлигинин (ӨКМ) басма сөз кызматы кабарлады.
Мындан сырткары кырсыкты аныктоо иштерин аткарууга ӨКМге караштуу мониторинг жүргүзүү жана тазалоо иштерине көзөмөлдөө департаментинен 4 кызматкер, жергиликтүү тургундардан 10 адам, жалпы 42 адам чыкты.
Ошондой эле оор жумуштарды аткарууга ӨКМден 6, жергиликтүү бийликтен 2 техника тартылды.
27-августта Ысык-Көл облусунун Тоң районундагы Көк-Мойнок-1 айылында кыска мөөнөттө жаап өткөн жамгырдын кесепетинен кокту-колоттордон келген сел суулары, болжол менен 30 турак үйдүн короо-жайларын, жертөлөлөрүн жана ички жолдорду каптаган.
Сүрөттөр: ӨКМ 
