Дүйнөлүк көчмөндөр оюндары 2026-жылы 31-августта башталат
- 3 месяца мурун
Дүйнөлүк көчмөндөр оюндарынын уюштуруу комитети кезектеги оюндар Кыргызстанда 2026-жылдын 31-августунан 6-сентябрына чейин өтөрүн жарыялады.
Оюндун салтанаттуу ачылышы Бишкекте болот, ал эми оюн Ысык-Көл облусунда өтмөкчү. Оюндарга дүйнөнүн 89 өлкөсүнөн катышуучулар катышмакчы.
Дүйнөлүк көчмөндөр оюндары бул Кыргызстандын ири долбоору. Ал 2014, 2016 жана 2018-жылдары Кыргызстанда өтүп, 2020 жана 2021-жылдары COVID-19 пандемиясынан улам убактылуу жылдырып, 2022-жылы Түркияда, 2024-жылы Казакстанда өткөн.
Көчмөндөр оюндарында спорттун этникалык түрлөрү боюнча эл аралык мелдештер өткөрүлөт. Мелдештин негизин байыркы көчмөн элдердин оюндары түзөт.
2021-жылы Дүйнөлүк көчмөндөр оюндары Кыргызстандын атынан ЮНЕСКОнун материалдык эмес маданий мурастарынын тизмесине киргизилген.
Иллюмтрациялык сүрөт: Интернет булактарынан
