“Чолпонум” мюзикли коюлат

Бүгүн, 17-июнда, Абдылас Малдыбаев атындагы Кыргыз улуттук академиялык опера жана балет театрында “Чолпонум” июзикли көрсөтүлөт.

Бул тууралуу Маданият, маалымат  жана жаштар саясаты министрлиги билдирди.

16-июнда Абдылас Малдыбаев атындагы Кыргыз улуттук академиялык опера жана балет театрында Кыргыз Республикасынын эл артисти, дастанчы-композитор Жолболду Алибаевдин 80 жылдык мааракесине арналган «Чолпонум» мюзикли көрсөтүлдү.

Рыспай Абдыкадыров атындагы Ош облустук филармониясынын чыгармачыл жамааты тарабынан сахналаштырылган мюзикл борбор шаардын к 16-июнда көрүүчүлөрү тарабынан жылуу кабыл алынды.

Улуттук обон, сүйүү, сагыныч, тагдыр жана адамдык асыл сезимдерди камтыган чыгарма көрүүчүлөргө өзгөчө таасир калтырды.

«Чолпонум» мюзиклинин режиссёру – Кыргыз Республикасынын эмгек сиңирген артисти Нурлан Мендебаиров, либреттонун автору – Назгүл Рыскул кызы, башкы дирижёру – Илгиз Абдылдаев.

Сүрөт: Маданият министрлиги