Борбор шаарда электр чыгырык жана мопед колдонууга убактылуу чектөө киргизүү сунушталды
- 2 недели мурун
- Жаңылыктар
Борбор шаарда эл аралык деңгээлдеги иш-чаралардын өткөрүлүшүнө байланыштуу Бишкек шаарынын мэриясы жеке мобилдүүлүк каражаттарын (СИМ) ижарага берүү кызматтарын көрсөткөн компанияларга аларды шаардын аймагында убактылуу пайдаланууну чектөөнү сунуштады.
Чектөө киргизүү сунушталган мөөнөт —30-августтан 2-сентябрга чейин.
Мындай чаралар коомдук коопсуздукту камсыз кылуу, жол кыймылынын үзгүлтүксүз уюштурулушуна шарт түзүү, ошондой эле расмий иш-чараларга катышуучулардын тоскоолдуксуз жүрүүсүн камсыз кылуу максатында сунушталууда.
Мындан тышкары, электросамокаттарды ижарага берүү кызматтарынын операторлоруна көрсөтүлгөн мезгил аралыгында электросамокаттарды муниципалдык аймактарга жайгаштырууну жана токтотуп коюуну убактылуу токтотуу сунушталды.
Муну бөлүшүү
