Боом капчыгайында жол толугу менен ачылды
- 2 года мурун
- Видео
Боом капчыгайында бүгүн, 31-июлда, саат 10.02 де жол каттамы эки тараптуу ачылды. Болжол менен 20 -22 миң куб кум-шагыл тазаланды.
Бул тууралуу өзгөчө кырдаалдар министрлигинин басма сөз кызматы билдирди.
Кечээ нөшөрлөгөн жамгырдын кесепетинен 128-129 чакырым аралыгында жана 131 чакырымында эки жерде сел жүрүп, Балыкчы – Бишкек каттамы убактылуу жабылган.
Үзгүлтүксүз тазалоодон улам бир тараптуу ачылган жолдон кезектешип эки тарапка, тактап айтканда, Бишкек – Балык– Нарын жана Балыкчы — Нарын -Бишкек каттамына кезек-кезеги менен автоунаа өткөрүлүп келген.
Табигый кырсык катталган аймакта өзгөчө кырдаалдар министрлигинин облустук башкармалыгынын жана райондук бөлүмдөрүнүн ыкчам топтору, куткаручуулар, адистер жана офицерлер иш алып барды.
Муну бөлүшүү
