Бишкекте турак үйдөн чыккан өрт өчүрүлдү
- 1 месяц мурун
Баштапкы маалымат боюнча, бүгүн, 7-августта, Бишкек шаарынын Свердлов районундагы Элебесов көчөсүндө жайгашкан турак үйдөн чыккан өрт саат 14:38де өчүрүлдү.
Бул тууралуу Өзгөчө кырдаалдар министрлигинин (ӨКМ) Бишкек шаарлык башкармалыгы билдирди.
Өрттү өчүрүүгө саат 11:59да жалпы 3 өрт өчүрүү бөлүмү жана штаб тартылган.
Өрт саат 14:38де толук өчүрүлгөн. Өрттүн аянты болжол менен 300 чарчы метрди түзгөн.
Өрттө дене-боюнан жабыркагандар жок.
Өрттүн себеби иликтенүүдө.
Сүрөт: ӨКМ Бишкек башкармалыгынын видеосунан
Муну бөлүшүү
