Бишкекте турак үйдөн чыккан өрт өчүрүлдү
- 1 месяц мурун
Бишкек шаарынын Свердлов районунда 15-октябрда түнкүсүн Акылбеков көчөсүндө жайгашкан турак үйдөн өрт чыкты.
Бул тууралуу Өзгөчө кырдаалдар министрлиги (ӨКМ) билдирди.
Өрттү өчүрүүгө саат 23:11де Свердлов райондук №3 өрттөн-куткаруу бөлүгүнөн өрт өчүрүүчү машина, саат 23:19да кошумча №3 ӨКБдан бир, саат 23:23тө Октябрь райондук №7ӨКБдан дагы бир машина, жалпы 3 бөлүм жана штаб тартылды.
Ыкчам аракеттердин натыйжасында өрт саат 00:11де чектөөгө алынып, саат 02:42де өчүрүлдү.
ӨКМдин Бишкек шаары боюнча башкармалыгынын ыкчам нөөмөтчүсүнүн берген маалыматына ылайык, тилсиз жоонун жалпы аянты болжол менен 200 чарчы метрди түзгөн. Жабыркагандар жок.
Сүрөт: ӨКМ видео тасмасынан алынды
Муну бөлүшүү
