Бишкекте таштанды контейнерлеринин жанына токтотулган унааларга айып салынат
- 1 месяц мурун
Бишкек шаарында таштанды контейнерлеринин жанына туура эмес токтотулган унаалар мажбурлоо жолу менен эвакуацияланып, ээлерине айып пул салынат.
Бул тууралуу Бишкек шаарынын мэриясы билдирди.
Буга байланыштуу Көк-Жар кичи районундагы Малдыбаев көчөсүндө, ошондой эле Абай көчөсүндө (Горький көчөсүнө чейин) текшерилди. Рейддин жыйынтыгында «Укук бузуулар жөнүндө» кодексинин 188-беренесинин 1-бөлүгү боюнча протоколдор түзүлдү.
Жалпысынан «Тазалык» ишканасынын атайын техникаларынын ишине тоскоолдук жараткан 9 унаа эвакуацияланып, айып короого жеткирилди.
Мэрия таштанды төгүүчү жайларга унаа токтотууга каршы рейддер туруктуу негизде өткөрүлөрүн билдирди.
Сүрөт: Бишкек шаар мэриясы
Муну бөлүшүү
