Бишкекте пилоттук режимде түнкү автобус каттамдары ишке киргизилет
- 2 недели мурун
Бишкек шаарында 3-июлдан тартып саат 23:00дөн саат 05ке чейин пилоттук режимде муниципалдык түнкү автобус каттамдары иштей баштайт.
Бул тууралуу Бишкек мэриясы билдирди.
Биринчи этапта №3, №16, №19, №35, №45 жана №55 каттамдары ишке киргизилет. Ар бир каттамда үчтөн автобус каттайт.
Автобустар күн сайын бекитилген графикке ылайык, саат 23:00дөн 05:00гө чейин каттайт.
Жол кире акысы төмөнкүдөй болот:
— накталай эмес төлөм (банктык карта, транспорттук карта же QR-код аркылуу төлөгөндө) — 70 сом;
— накталай төлөм — 90 сом.
Иллюстрациялык сүрөт: bishkek.gov.kg
Муну бөлүшүү
