Бишкекте кампадан ири өрт чыкты
- 10 месяцев мурун
- Видео
Бишкек шаарынын Октябрь районунда бүгүн, 21-августта, Көк-Жар айылынын Ынтымак көчөсүндө жайгашкан кампадан өрт чыккандыгы тууралуу маалымат түшкөн. Бул тууралуу өзгөчө кырдаалдар министрлиги (ӨКМ) билдирди.
Өрттү өчүрүүгө саат 11:55те Октябрь райондук №7 өрт куткаруу бөлүгүнөн 1, саат 12:15те Октябрь райондук №5 өрт куткаруу бөлүгүнөн 1, саат 12:24тө дагы 1, жалпы 3 бөлүм тартылган.
Кошумча ӨКМдин Бишкек шаары боюнча башкармалыгынын жана мэрия тарабынан 2 суу ташыгыч унаа (водовоз) чыгып, өрт өчүрүшкөн.
Жеке менчик даяр продукция сакталган кампанын ичинде жер-жемиш салуучу жыгач, желим ящиктер, малина, кулпунай жана башка жемиштер болгон. Болжол менен 1500 чарчы метр аянты күйгөн.
Өрттүн себеби такталууда.
Муну бөлүшүү
