Бишкек шаарынын башкы планы бекитилди
- 1 месяц мурун
2026-жылдын 25-апрелинде Министрлер кабинети Бишкек шаарынын 2050-жылга чейинки башкы планын бекитти.
Бул документ борбор шаардын 2050-жылга чейинки аймактык өнүгүүсүнүн негизги багыттарын, республикалык жана жергиликтүү маанидеги объекттерди жайгаштырууну, ошондой эле шаарда коопсуз жана ыңгайлуу жашоону камсыз кылуу чараларын аныктайт.
Башкы план 2050-жылга чейин аймактык пландаштыруунун негизги документи болуп саналат жана социалдык-экономикалык өнүгүү программаларын иштеп чыгууда, инфраструктуралык жана инвестициялык долбоорлорду ишке ашырууда, ошондой эле курулуш жүргүзүү жана жер тилкелерин пайдалануу боюнча чечимдерди кабыл алууда милдеттүү түрдө эске алынат.
2006-жылы бекитилген Бишкек шаарынын 2025-жылга чейинки мурдагы Башкы планы күчүн жоготту.
Бишкек шаарынын 2050-жылга чейинки башкы планын бекитүү жөнүндө ТОКТОМ
Бишкек шаарынын 2050-жылга чейинки башкы планына карата негизги жоболор (түшүндүрмө кат)
Иллюстрациялык сүрөт: bishkek.gov.kg
