Бишкек санитардык полигонунда атайылап өрт коюлган деп болжолдонууда

2 недели мурун
Видео, Жаңылыктар

Бишкек шаарынын мэриясы «Бишкек санитардык полигону» муниципалдык ишканасынын аймагында чыккан өрт боюнча маалымат берди.

Өрт болжол менен саат 20:30да башталган. Саат 20:45 чамасында полигондун башка тилкесинде да өрт чыккан. Баштапкы маалымат боюнча, белгисиз адамдар тарабынан полигондун төрт тарабынан атайылап өрт коюлган.

Өрт кырсыгы тууралуу маалымат түшкөндөн кийин «Бишкек санитардык полигону» ишканасынын кызматкерлери дароо окуя болгон жерге барып, кырдаалды көзөмөлгө алышкан. Өрт чыккан жерде аны атайылап койгондорду аныктоого мүмкүн болгон эмес.

Тиешелүү кызматтардын жана муниципалдык ишкананын кызматкерлеринин ыкчам аракеттеринин натыйжасында өрт саат 01:45те толугу менен өчүрүлгөн.

Учурда аталган факт укук коргоо органдарында каттоого алынып, окуянын себептерин жана өрттүн чыгышына тиешеси бар адамдарды аныктоо максатында тиешелүү тергөө иш-чаралары жүргүзүлүүдө.

Маселе Бишкек шаарынын мэриясынын өзгөчө көзөмөлүндө турат.