Билим берүү менен өндүрүштү интеграциялоодогу илимдин ролу. Эл аралык конференция өтөт
- 1 месяц мурун
10-ноябрь — илим күнү. Бул даталуу күнгө карата Улуттук илимдер академиясында 11-ноябрь күнү “Билим берүү менен өндүрүштү интеграциялоодогу илимдин ролу” эл аралык илимий-практикалык конференция өтөт.
Бул тууралуу Илимдер академиясы билдирди.
Аны Улуттук илимдер академиясы менен Илим, жогорку билим берүү жана инновациялар министрлиги бирге өткөрөт. Ошол учурда илимий ийгиликтердин көргөзмө-жарманкеси уюштурулуп, өзүнүн жетишкендиктерин:
Баласагын атындагы улуттук университет, Раззаков атындагы кыргыз мамлекеттик техникалык университет, Ахунбаев атындагы кыргыз мамлекеттик медицина университети, Скрябин атындагы кыргыз мамлекеттик айыл-чарба университети, Ельцин атындагы кыргыз-славян университети көрсөтөт.
Иш-чарага чет өлкөлүк элчилер, министрлер, илимпоздор катышат.
Иллюстрациялык сүрөт: Илимдер академиясы
