Башкы прокуратура: Саламаттык сактоо министрине кылмыш иши козголду (Видео)

Саламаттык сактоо министри Алымкадыр Бейшеналиевге башкы прокуратура 7 кылмыш ишин козгоду.

Бул тууралуу башкы прокуратуранын басма сөз кызматы билдирди.  

Бир кылмыш иши коррупция беренеси боюнча, эки кылмыш иши опузалап пара алуу беренеси; төрт кылмыш иши -кызмат абалын кыянаттык менен пайдалануу жана билип туруп пайдасыз контракт түзүү боюнча.

Башкы прокуратуранын тергөө башкармалыгы тарабынан тергөө аракеттери жүргүзүлүп жаткандыгы белгиленди.

Кечээ, 2-июнда, башкы прокуратура саламаттык сактоо министри Алымкадыр Бейшеналиев коррупцияга шектелип кармалганын билдирген.

Башкы прокуратура тараткан сүрөт жана видео.

Муну бөлүшүү

Окшош жаңылыктар

Журналисттик иликтөөлөр