Ашууга кар көчкү түшүп, Каракол-Эңилчек унаа жолу жабылып калды
- 1 год мурун
12-апрелде Ак-Суу районундагы Каракол — Эңилчек унаа жолунун болжол менен 83-86-чакырым аралыктарындагы Чоң-Ашуу ашуусуна кар көчкү түшүп, жол эки тараптуу жабылып калган.
Аталган унаа жолдо тазалоо иштерин жүргүзүү үчүн жол 14-апрелге чейин убактылуу жабылган. Аталган жолдун 38-чакырымында ички иштер министрлиги тарабынан атайын пост коюлуп, нөөмөт уюштурулган.
Ошондой эле жерине өзгөчө кырдаал министрлигинин кызматкерлери жана техника тартылды.
Бул тууралуу өзгөчө кырдаалдар министрлигинин басма сөз кызматы билдирди.
Сүрөт: ӨКМ
Муну бөлүшүү
