Асел Байбагышева Эверест чокусун багындырды
- 2 месяца мурун
Кыргызстандык Асел Байбагышева 8848 метр келген Эверест чокусун багындырды. Бул тууралуу альпинизм федерациясынын президенти Эдуард Кубатов билдирди.
11-майда Асел Байбагышева дүйнөнүн эң бийик жери — Эверест чокусуна чыгып, Кыргыз Республикасынын туусун сайды.
Ал 9-май күнү таң эртең менен негизги жатактан чыгып, болгону 54 саатта чокуга жетти. Асел Байбагышева быйылкы 2025-жылы Эверестке чыккан биринчи айым болду. Ошондой эле кыргыз кыздарынын арасынан Эверест чокусун багындырган биринчи айым болуп калды.
Байбагышева альпинизм менен 8 жылдан бери алектенет. Буга чейин Кыргызстандын Жеңиш, Хан Теңири, Жел-Айдар өндүү бийик чокуларына чыккан.
Сүрөттө: Асел Байбагышева. Социалдык тармактан
Муну бөлүшүү
