Албаниянын президенти Байрам Бегай расмий иш сапары менен келди
- 3 месяца мурун
Албаниянын президенти Байрам Бегай 17-июнда Кыргыз Республикасына расмий иш сапары менен келди.
Жогорку даражалуу меймандын учагы “Ысык-Көл” эл аралык аэропортуна конду.
Флагштоктордо эки өлкөнүн туулары илинип, килем төшөлүп, ардактуу кароол тизилген.
Сапардын алкагында эки лидер Садыр Жапаров менен Байрам Бегайдын сүйлөшүүлөрү, ошондой эле маданий иш-чараларга катышуусу күтүлүүдө.
Буга чейин 17-19-июнда Албаниянын президенти Байрам Бегай Кыргызстанга расмий сапар менен келери маалымдалган.
Сүрөт: president.kg
Муну бөлүшүү
