Алайда Алымбек датканын 225 жылдыгына арналган айтышта Чыңгызхан Кожошев гран-прини жеңип алды

Бүгүн, 12-сентябрда, Алай районунун Калама жайлоосунда Алымбек датканын 225 жылдык мааракесине арналган айтыштын финалдык туру өттү. Финалга чыккан 8 жуп акындын арасынан Чыңгызхан Кожошев гран-принин жеңип алды.

Бул тууралуу президенттин Ош облусундагы ыйгарым укуктуу өкүлчүлүгү билдирди.  

3-орунду – Жылдызбек Төрөканов (200 миң сом), 2-орунду – Кутман Садыбакасов (300 миң сом), 1-орунду Изат Айдаркуловага (500 миң сом) бөлүштүрүлдү.

Иш-чарага мамлекеттик катчы Марат Иманкулов, Ош облусунун башчысы Элчибек Жантаев, Жогорку Кеңештин депутаттары, чет элдик коноктор жана жергиликтүү тургундар катышып, жеңүүчүлөргө сыйлыктарды тапшырды.

Сүрөт: президенттин Ош облустук өкүлчүлүгү