Академик Осмон Тогусаков дүйнөдөн кайтты

1 год мурун

Улуттук илимдер академиясынын академиги, философия илимдеринин доктору Осмон Тогусаков 72 жаш курагында дүйнөдөн кайтты.

Бул тууралуу Улуттук Илимдер академиясы кабарлады.

Тогусаков Осмон 1953-жылы Чүй облусунун Ысык-Ата районуна караштуу Кызыл-Арык айылында туулган. 1979-жылы Кыргыз мамлекеттик универсетинин география факультетин бүтүргөн. 1989-1991-жылдары Алматы шаарында докторантурада окуган.

1979-жылдан баштап Кыргыз УИАнын философия институнда кенже, улуу илимий кызматкер, окумуштуу катчы болуп иштеген. 1993-жылы философия илимдеринин доктору, 1994-жылы эл аралык коомдук Айтматов академиясынын мүчөсү болгон.

1992-жылдан 2017-жылга чейин Улуттук Илимдер акамедиясынын философия институнун директору болуп иштеген. Эмгектери табият таануу жана техниканын философиялык маселелерине арналган. 2003-жылы Кыргыз Республикасынын илимине эмгек синирген ишмер наамына ээ болгон.

Илимий теориялык изденүүлөрү алдын ала андап билүүнүн, прогноздоонун диалектикасын, анын илимдеги жана практикадагы методологиялык маанисин тастыктоого багытталган.