Айдоочулук күбөлүктү акысыз алмаштыруу мөөнөтү 31-мартта аяктайт
- 2 месяца мурун
Мөөнөтсүз айдоочулук күбөлүктү акысыз алмаштыруунун убактысы 31-мартта аяктайт.
Бул тууралуу президенттин иш башкармалыгына караштуу транспорт каражаттарын жана айдоочулук курамды каттоо боюнча мамлекеттик борбор кабарлады.
1-апрелден тартып күбөлүктү алмаштыруу акысы 1 389 сомду түзөт. Жарандар бул документти 083 формасындагы медициналык маалымкатсыз 31-декабрга чейин алмаштыра алышат.
«Унаа» мекемесинин маалыматына караганда, күбөлүктү акысыз алмаштыруу акциясынын алкагында өлкө боюнча 335 миңден ашык күбөлүк жаңыртылды.
Мөөнөтсүз айдоочулук күбөлүктү алмаштыруу үчүн:
— төлөнбөгөн административдик жана муниципалдык айып пулдар болбошу керек;
— «Коопсуз шаар» боюнча айып пулдар алдын ала төлөнүшү зарыл;
— Кыргыз Республикасынын аймагында каттоодо болуу милдеттүү.
Иллюстрациялык сүрөт: Интернет булактарынан
