Аида Салянова Свердлов шайлоо округунан депутаттыкка талапкерлигин койду
- 3 года мурун
Мурдагы башкы прокурор Аида Салянова Бишкектеги №29 Свердлов шайлоо округунан Жогорку Кеңештин депутаттыгына талапкерлигин койду. Бул тууралуу Борбордук шайлоо комиссиясынын сайтында айтылат.
Маалыматка караганда, 18-январь, саат 16:00гө карата кайра шайлоо өтчү №27 Биринчи май жана №29 Свердлов округдарынан депутаттыкка талапкер болгондордун саны 40ка жетти.
Бул эки округда 2020-жылдын 28-ноябрында өткөн шайлоодо баарына каршы добуш бергендер басымдуулук кылгандыктан, быйыл 27-февралга кайра шайлоо дайындалган.
Эки округдан депутаттыкка талапкер болгондордун арасында алтынчы чакырылыштын депутаттары Ирина Карамушкина, Рыскелди Момбеков жана Шайлообек Атазов да бар.
Муну бөлүшүү
