Facebook Орусиянын мамлекеттик ЖМКларына жарнама жарыялоого тыюу салды

2 года мурун

Facebook Орусиянын мамлекеттик жалпыга маалымдоо каражаттарына аталган платформада жарнама жарыялоого жана монетизация кылууга тыюу салды. Бул тууралуу Facebookтун киберкоопсуздук бөлүмүнүн жетекчиси Натаниэль Глейхер «Твиттерде» кабарлады.

«Мындан ары биз Орусиянын мамлекеттик ЖМКларына дүйнөнүн кайсы гана бурчу болбосун, өзүбүздүн платформада жарнама берүүгө жана монетизация кылууга тыюу салабыз», — деп жазды Глейхер.

1/ We are now prohibiting Russian state media from running ads or monetizing on our platform anywhere in the world. We also continue to apply labels to additional Russian state media. These changes have already begun rolling out and will continue into the weekend.
— Nathaniel Gleicher (@ngleicher) February 26, 2022

Орусия 24-февралда Донбасста «атайын аскердик операция уюштуруу» деген жүйө менен Украинага чабуул койгон. Андан бери орус армиясы Украинанын бардык аймактарында аткылоосун жана бомбалоосун улантууда.

Москва Украинадагы “демилитаризацияны” токтотууну көздөрүн, Киевдин НАТОго мүчө болушуна каршы экенин билдирип жатат. Украин бийлиги Орусиянын кол салышын ачык эле согуш деп мүнөздөөдө.