Тарых музейи ачылгандан бери көрүүчүлөрдөн 2 млн сомдон ашык каражат түштү
- 3 года мурун
Улуттук тарых музейи ачылгандан бери 22,5 миңдей көрүүчү кирди жана көрүүчүлөрдөн эки миллион сомдон ашык акча түштү. Бул тууралуу маданият, маалымат, спорт жана жаштар саясаты министри Азамат Жаманкулов 1-февралда басма сөз жыйынында билдирди.
Анын айтымында, бүгүнкү күнгө карата музейдеги экспонаттардын саны 1 миң 600дөн 4 миң 500гө көбөйдү, жаңы 300дөй көргөзмө витринасы коюлду. Музей ремонттон кийин ачылгандан бери көрүүчүлөрдөн эки миллион сомдон ашык акча түштү.
Эскерте кетсек, 19-ноябрда Бишкектеги Улуттук тарых музейи беш жылга созулган ремонт иштеринен кийин салтанаттуу түрдө ачылган. Маданий жай жаңы ачылган күндөрү көрүүчүлөрдүн узун кезеги пайда болгон.
Муну бөлүшүү
