№1 түзөтүү колониясынан 8 кг ашык маңзат, 24 уюлдук телефон жана 63 даана бычак табылды
- 2 года мурун
Юстиция министрлигине караштуу Жазаларды аткаруу кызматы 10-декабрда Молдовановка айылындагы №1 түзөтүү колониясында пландуу тинтүү иштерин жүргүздү. Бул тууралуу ЖАМКнын басма сөз кызматы маалымдады.
Маалыматка ылайык, тинтүү иштеринин алкагында түзөтүү жайынан жалпы салмагы 8,615 кг түзгөн баңгизаты, ар түрдүү моделдеги 24 уюлдук телефон, 63 даана бычак, 3,5 литр алкоголдук ичимдик, 275,5 литр колго жасалган алкоголдук ичимдик (брага) жана башка түзөтүү мекемелеринин ички тартип эрежелеринде тыюу салынган нерселер табылган.
Учурда ыкчам тергөө иш-аракеттери жүрүп жатат.
Муну бөлүшүү
