Ирак «Ислам мамлекети» террордук тобунун лидерлеринин бири кармалганын жарыялады

Ирактын атайын кызматы «Ислам мамлекети» террордук тобунун жок кылынган лидеринин орун басары Сами Жасимди кармады. Бул тууралуу Ирактын премьер-министри Мустафа Аль-Казыми 11-октябрда «Твиттер» баракчасы аркылуу жарыялады.

Аль-Казыми экстремисттик топтун мурдагы лидери Абу Бакр ал-Багдадинин орун басары деп мүнөздөлүп келген Жасимди Ирактын атайын кызматы кармаганын билдирип, андан башка маалымат берген эмес.

في الوقت الذي كانت عيون أبطالنا في القوات الأمنية يقظة لحماية الانتخابات،كانت ذراعهم الأصيلة في جهاز المخابرات تنفذ واحدة من أصعب العمليات المخابراتية خارج الحدود،للقبض على المدعو سامي جاسم، مشرف المال لتنظيم داعش ونائب المقبور أبو بكر البغدادي،
بوركت سواعد الأوفياء
عاش العراق
— Mustafa Al-Kadhimi مصطفى الكاظمي (@MAKadhimi) <a href="October» class=»redactor-linkify-object»>https://twitter.com/MAKadhimi/status/1447450720245… 11, 2021

Багдади 2019-жылы Сириянын түндүк-батышында АКШнын атайын күчтөрү тарабынан жүргүзүлгөн рейддин жүрүшүндө жок кылынган. Кошмо Штаттар «Ислам мамлекети» террордук тобунун Жасим баштаган башка лидерлери тууралуу маалымат бергендерге сыйлык жарыялаган.