УКМК төрагасы Камчыбек Ташиевдин кубогу үчүн республикалык спартакиада башталды

Бүгүн, 4-сентябрда Ысык-Көлдө УКМК төрагасынын кубогу үчүн командалык спорттун түрлөрү боюнча жыл сайын өтүүчү республикалык спартакиада башталды. Бул тууралуу УКМКнын маалымат кызматы билдирди.

Маалыматта айтылгандай, быйылкы жылы коопсуздук органдарынын спорттук командалары волейбол, футбол, баскетбол, шахмат жана тогуз коргоол боюнча спорттун беш түрү менен күч сынашат.

Спартакиаданын ачылышында УКМКнын төрагасы Камчыбек Ташиев кызматкерлердин ыкчам жана кызматтык ишинин жогорку эффективдүүлүгүн камсыз кылуунун багыттарынын бири катары, спортту өнүктүрүүнүн жана аскер кызматкерлеринин дене тарбиясынын деңгээлин жогорулатуунун маанилүүлүгүн белгиледи.

«Кесиптик парзга берилгендик, кайраттуулук, чечкиндүүлүк жана өжөрлүк, КГБнын мыкты салттарын сактоо жана өркүндөтүү коопсуздук органдарында кызмат кылгандардын баары үчүн өзгөрүүсүз калган жана бойдон калууда. Командалардын бирдиктүү оюндары жана спорттук мамилеси, жакшы жана достук мамилелерге негизделген адилеттүү оюн бүгүнкү иш-чаранын негизги принциптерине айланат деп ишенем.”,- деп билдирди.

Белгилей кетсек, УКМКнын кызматкерлери арасындагы спартакиада жыл сайын өткөрүлүп келет.