8-сентябрда Жалал-Абад шаарында жаратылыш газы өчүрүлөт
- 3 года мурун
Үстүбүздөгү жылдын 8-сентябрында Жалал-Абад шаарында жаратылыш газы өчүрүлөт. Бул тууралуу “Газпром Кыргызстан” компаниясынын басма сөз кызматы билдирет.
Маалыматка ылайык, “Жалал-Абад” газ бөлүштүрүүчү станциясында оңдоо иштери жүргүзүлөрүнө байланыштуу 8-сентябрда саат 07:00дөн 21:00гө чейин Жалал-Абад шаарында жаратылыш газы өчүрүлөт.
Мындай иштер Газ бөлүштүрүүчү станциянын иштөө ресурсун калыбына келтирүү максатында жана күзгү-кышкы жылытуу сезонундагы жогорку жүктөм учурунда жаратылыш газы менен үзгүлтүксүз камсыз кылуу үчүн өткөрүлөт.
“Газпром Кыргызстан” компаниясы түзүлгөн ыңгайсыздыктар үчүн кечирим сурайт.
Муну бөлүшүү
