ЖККУнун баш катчысы Кыргызстанга келет
- 3 года мурун
Бүгүн, 31-августта Жамааттык коопсуздук келишим уюмунун Баш катчысы Станислав Зась Кыргызстанга келет.
Тышкы иштер министрлигинин маалыматына караганда, ал Кыргызстанда 2-сентябрга чейин болот. Сапар алкагында баш катчы өлкө жетекчилери, аскер башчылары менен жолугат.
Жолугушууда Станислав Зась ЖККУнун 15-16-сентябрда Тажикстандын борбору Дүйшөмбү шаарында өтө турган кезектеги сессиясына даярдыкты талкуулайт. Мындан тышкары уюм алкагындагы аймактардагы кырдаал тууралуу маалымат берет.
Дүйшөмбү шаарында өтө турган сессияда ЖККУга мүчө өлкөлөрдүн Тышкы иштер министрлеринин, Коргоо министрлеринин жана Коопсуздук кеңештеринин катчыларынын биргелешкен отуруму болот.
Муну бөлүшүү
