Бир үйдө 43 адам ижарада жашап, тилемчилик кылышкан
- 3 года мурун
Бүгүн, 19-августта, Жалал-Абад шаардык ички иштер бөлүмү тарабынан «Тилемчи» рейдинде аныкталгандай, 43 адам бир үйдү ижарага алып жашаган жана тилемчилик менен оокат кылган.
Бул тууралуу Жалал-Абад облустук ички иштер башкармалыгынын басма сөз кызматы билдирди.
Алардын ичинен 24ү Өзбекстандын Бухара жана Кашка-Дарыя облустарынан келген, 19у Ош облусунун Кара-Суу районунан келген лөлү тектүү жарандар экендиги такталды.
Жалпысынан тилемчилик менен алектенген 43дын ичнен 70 жашка чыккан карыя, 18 өспүрүм жана 4 мүмкүнчүлүгү чектелген жаран болгон.
Аларга түшүндүрүү иштери жүргүзүлүп, турукту жашаган жерлерине жиберилди.
Рейд шаардык мэрия кызматкерлери жана социалдык адистер менен бирге жүргүзүлгөн.
Сүрөт: Жалал-Абад ОИББ басма сөз кызматы.
Муну бөлүшүү
