Кыргызстанда 13-августтан баштап аба-ырайы кескин өзгөрөт
- 3 года мурун
13-августтан 16-августка чейин, Кыргызстандын аймагында аба кескин салкындап, көпчүлүк аймактарда жаан, тоолордо кар жаайт. Бул тууралуу, Өзгөчө кырдаалдар министрлиги шашылыш билдирүү таратты.
Маалыматка ылайык, кээ бир райондордо жаан-чачын катуу жаап, батыш тараптан соккон шамалдын ылдамдыгы секундасына 15-20 метрге чейин жетиши мүмкүн. Ошондой эле, 16-августка чейин бүгүнкүгө караганда аба-ырайы дээрлик 10 градуска салкындайт.
ӨКМ мындай туруксуз аба ырайы автоунаа, энергетика жана коммуналдык кызматтардын ишин, жайлоодо мал кармоону кыйындатарын эскертти.
Муну бөлүшүү
