Бишкек шаарынын вице-мэри жол кырсыгына кабылды
- 3 года мурун
Бишкек – Ош унаа жолунун 217-чакырымында Toyota Alphard унаасынын айдоочусу бетон тосмону сүзүп алган. Бул кырсык кечээ, 26-июлда, болжолдуу саат эртең мененки 6 да болгон. Андан бир катар жүргүнчүлөр, анын арасында Бишкек шаарынын вице-мэри Жамалбек Ырсалиев жабыркап, ооруканага жаткырылган.
Бул тууралуу Жалал-Абад облустук жол кыймылынын коопсуздугун камсыздоо башкармалыгынын басма сөз кызматы билдирди.
Маалыматка караганда унаада жүргүнчү катары Бишкектин вице-мэри Жамалбек Ырсалиев, дагы эки жүргүнчү райондук ооруканага жаткырылган.
Аталган факт кылмыштардын жана жоруктардын бирдиктүү реестрине катталып, текшерүү жүрүп жатат.
Cүрөт: Интернет булактарынан.
Муну бөлүшүү
