Чүйдө мас айдоочунун айынан 6 адам көз жумду
- 3 года мурун
Чүй облусунда 6 адамдын өмүрүн алган жол кырсыгы катталды.
Өзгөчө кырдаалдар министрлигинин басма сөз кызматынан маалыматына караганда, кырсык кечээ, 22-июлда, саат 21.20да Бишкек-Нарын-Торугарт унаа жолунун 107-чакырымында, Нур айылынын жанында болгон. «Хонда Степвагон» менен «Мицубиси Пажеро» унаалары сүзүшүп, 4 адам дароо көз жумган.
5 адам аймактык ооруканага жеткирилип, бүгүн таңда 2 адам өзүнө келбей каза болгон.
Медициналык экспертизанын жыйынтыгында, «Мицубиси Пажеро» унаасынын айдоочусу мас абалда унаа башкаргандыгы аныкталган.
Дал ушундай эле жол кырсыгы, 21-июль күнү кечинде Балыкчы-Каракол унаа жолунун Чырмыкты жана Кош-Көл айылдарынын ортосунда болгон. «Лексус 470» жол тандабас унаасы менен «Мицубиси галант» кагышып, экинчи унаадагы 5 адам кайтыш болгон.
Фото интернеттен алынды
