​Афган кыргыздары боюнча Кыргызстандын өтүнүчүн Тажикстан жоопсуз калтырды

Афганистандан качып барган 345 этникалык кыргыздарды Тажикстан өткөн жумада артка кайтарган.

Кыргызстандын nышкы иштер министрлиги тажик бийлигинин бул кадамына комментарий берди.

Кыргызстан 13-июлда Тажикстандын ТИМине афгандык кыргыздарды кыргыз-тажик чек арасындагы өткөрүү пунктуна чейин жеткирүүгө көмөктөшүү өтүнүчү менен нота жиберген.

«Афган кыргыздары боюнча тынчсыздануубузду билдирип, тиешелүү суроо-талаптарыбызды 14-16-июль күндөрү Дүйшөмбүдө жана Ташкентте өткөн көп тараптуу тышкы саясий иш-чаралар учурунда дагы айтканбыз. 16-июлда Кыргыз Республикасынын Тышкы иштер министрлигинде Тажикстандын элчиси менен жолугушуу болуп, бардык афган кыргыздарын кабыл алууга даяр экенибизди тастыктап, алардын Тажикстандан Кыргызстанга тоскоолдуксуз өтүүсүнө көмөктөшүү өтүнүчү айтылган”, – деп билдирди Тышкы иштер министрлиги.

ТИМдин маалыматы боюнча, Тажикстан Кыргызстандын расмий кайрылууларын жоопсуз калтырган.

Фото интернеттен алынды