Министр «Синофармга» ыктаганыбыздын себептерин санап берди
- 3 года мурун
Бүгүн, 14-июлда Жогорку Кеңеште Саламаттыкты сактоо жана социалдык өнүгүү министри Алымкадыр Бейшеналиев COVID-19 илдетине каршы Кыргызстан көбүрөөк колдонуп жаткан кытайлык «Синофарм» вакцинасынын артыкчылыктарын санап берди.
Алымкадыр Бейшеналиевдин айтымында, «Синофарм» вакцинасы:
— Дүйнөлүк саламаттыкты сактоо уюму каттоого алып, уруксат берген дүйнөдөгү 7 вакцинанын бири;
— «Синофармдын» эффективдүүлүгү далилденген;
— Муздакта сакталуусу + 2ден +8 градуска чейин;
— Кыргызстан жана Кытайдын өкмөттөрүнүн ортосундагы сүйлөшүүлөрдөн натыйжасында вакцина арзан сатылып алынууда.
Учурда Дүйнөлүк Банк Кыргыз Республикасына COVID-19 эпидемиясын алдын алуу жана кырдаалдын кесепеттерин жоюу үчүн кошумча каржылоо иретинде 0,75 пайыз үстөгү менен 10 миллион доллар насыя жана 10 миллион доллар грант берүүнү пландаштырууда.
Фото интернеттен алынды
