Аксыдагы селден кайтыш болгондор бир үй-бүлөнүн мүчөлөрү болгон
- 3 года мурун
Кечээ, 12-июлда Аксы районунда болгон селдин кесепеттерин жоюу боюнча иштер уланууда.
Аксы районунун Ак-Жол айылдык кеңешинин башчысы Төлөгөн Султанмуратовдун айтымында, табигат кырсыгынан кайтыш болгондор бир үй бүлөнүн мүчөлөрү болгон.
Учурда сел агызып кеткен 8 адамдын 7исинин сөөгү табылды.
Кечээ түштөн кийин башталган нөшөрлөгөн жамгыр катуу селге айланып, Жаңы-Жол айылынын тургуну, 1958-жылы туулган аялды, анын 1981-жылкы кызын, 2009, 2014, 2005, 2018-жылкы неберелерин, ошондой эле алардыкына меймандап келген 2009-жылы туулган Ак-Жол айылынын тургунун сел агызып, бары көз жумган. 2,5 жаштагы кызды издөө иштери улантылууда.
Кырсык болгон жерде ӨКМдин куткаруучулары, жергиликтүү милиция кызматкерлери жана жөнөкөй жарандар наристени издешүүдө.
Фото интернеттен алынды
