Кыргызстанда калкты массалык эмдөө башталды
- 3 года мурун
Коронавирус илдетине каршы Кыргызстан калкын массалык эмдөө иши башталды.
Кечээ, 11-июлда Кытайдан 1 миллион 200 миң доза «Синофар» келген. Ушул айдын аягына чейин дагы ошончо өлчөмдө вакцина алынып келээри айтылды.
Министрлер Кабинетинин төрагасынын орун басары Жылдыз Бакашова:
«11-июлдан баштап COVID – 2019 илдетине каршы массалык эмдөө башталды. Биринчи кезекте, медициналык, социалдык жана укук коргоо органдарындарынын кызматкерлери, 60 жаштан жогорку жана өнөкөт оорулары бар адамдар, калктын социалдык жактан аярлуу катмары болгон 1 миллион 312 450 адам эмдөөдөн өтүшөт», — деди.
Саламаттыкты сактоо жана социалдык өнүгүү министри Алымкадыр Бейшеналиев эгерде калктын 70 пайызы эмдөөдөн өтсө, сентябрь айында мектептер кадимки режимде иштей баштаарын айткан.
Анын айтымында, Кыргызстан калкынын массалык иммунитетин калыптандыруу үчүн 2 миллион 137 миң адам эмдөөдөн өтүшү керек.
Фото интернеттен алынды
