#КүчЧындыкта: Коронавирус пандемиясы менен күрөшүүдө журналисттердин ролу

3 года мурун

2020-жылы көз карандысыз журналисттер жана редакциялар пандемияга байланыштуу киргизилген чектөөлөрдөн улам, чоң кыйынчылыктарга туш болушту.

Журналисттер пандемияга чейин туш келишкен көптөгөн кыйынчылыктар пандемиядан кийин күчөп жүрүп олтурду: өкмөт журналисттердин суроолоруна көңүл бурбай, аларды аккредитациялоодон баш тартышты, ММК жана социалдык тармактарда Covid-19 темасы боюнча жалган маалыматтардын көбөйүшү байкалды, жарнамадан түшкөн киреше азайып, көптөгөн медиалар штатты кыскартууга жана башка чараларга барышты.

Бардык кыйынчылыктарга карабастан, журналисттер өз жумушунун олуттуулугун аңдап-сезишти.

Алар коомдук маанилүү окуяларды чагылдыруусун гана улантышпастан, арийне коронавирустун өлкөдө активдүү жайылышы учурунда өз ресурстарын жалган маалымат менен күрөшүүдө бириктиришти. Фактчек-журналисттердин иштери тууралуу Дилбар Алимова – “ПолитКлиника” онлайн-басылмасынын башкы редактору айтып берет.

Эгерде сиз бул өнөктүктүн максаттарына тилектеш болсоңуз, анда роликти өзүңүздүн жана редакцияңыздын социалдык тармактардагы аккаунттарына #КүчЧындыкта деп белгилеп, колдоо көрсөтүүңүздү сурайбыз. Бул өнөктүктү “Медиа Полиси Институту” Кыргыз Республикасындагы Интерньюстун “Медиа-К” долбоорунун колдоосу менен жүзөгө ашырып жатат. Бул өнөктүк журналисттердин ишине көңүл бурдуруп, коомчулуктун колдоосу алар үчүн канчалык маанилүү болгонун көрсөтүү максатын көздөйт.

Internews in