Эртең 150 миң доза “Синофарм” вакцинасы алынып келинет
- 3 года мурун
Коронавирус илдетине каршы кытайлык “Синофарм” вакцинасынын кезектеги партиясын Кыргызстанга алып келүү боюнча иштер кызуу жүрүп жатканын Саламаттыкты сактоо жана социалдык өнүгүү министрлиги билдирди.
19-июнь күнү журналисттерге берген маалыматында Саламаттыкты сактоо жана социалдык өнүгүү министри Алымкадыр Бейшеналиев:
“Коронавирустук инфекцияга каршы вакциналар менен камсыз кылуу боюнча күнү-түнү сүйлөшүүлөр жүрүп жатат Эртең биз 150,000 доза “Синофарм” вакцинасынын келиши күтүлүүдө. Инфекцияны токтотуу үчүн көп жарандарыбызды эмдөөдөн өткөрүү керек”, — деди.
Ушул жылдын 8-май күнү Дүйнөлүк саламаттык сактоо уюму COVID-19га каршы сунуштала турган вакциналардын катарына кытайлык “Синофарм” вакцинасын колдонууга уруксат берген.
Фото интернеттен алынды
