​Казат Акматовдун 80 жылдыгына арналган конференция өттү

18-июнда Жогорку Кеңеште жазуучу, прозаик, драматург, сценарист жана коомдук ишмер маркум Казат Акматовдун 80 жылдыгына арналган илимий конференция өттү.

Иш-чарага Жогорку Кеңештин жана илимий чөйрөнүн өкүлдөрү, легендарлуу парламенттин депутаттары, Казат Акматовдун туугандары катышты.

Конференцияда Казат Акматовдун Кыргызстандагы демократиялык жаңыланууларга кошкон салымы баса белгиленип: “Легендарлуу парламенттин депутаты жана “Кыргызстан” демократиялык кыймылынын лидери катары салымы

Казат Акматов “Мезгил”, “Күндү айланган жылдар”, “Мунабия”, “Архат” сындуу мыкты чыгармалардын автору.

1978-жылы жарыяланган “Эки сап өмүр” повести Островский атындагы Бүткүн союздук адабий сыйлыкка татыган.

Ошондой эле коомдук-саясий иштерге да жигердүү аралашып, СССРдин Жогорку Советинин, Жогорку Кеңештин биринчи чакырылышынын депутаты болуп шайланган. Мамлекеттик тил боюнча улуттук комиссияны да жетектеген.

Бул тууралуу Жогорку Кеңештин басма сөз кызматы билдирди.