Мыйзамсыз иштеген майнинг-ферма табылды
- 3 года мурун
УКМК кызматкерлери Ош облусунда криптовалюта өндүргөн мыйзамсыз майнинг-ферманын ишин токтотушту.
УКМКнын басма сөз кызматы билдиргенине караганда, мындай чарбалардын иши республиканын электр тармактарына чоң зыян келтирүүдө.
Кара-Суу районунун Кожокелен айылындагы бул мыйзамсыз майнинг-ферманын 650гө жакын майнинг жабдуулары камакка алынды.
Бул факт боюнча Кыргыз Республикасынын Кылмыш-жаза кодексинин негизинде кылмыш иши козголуп, мыйзамсыз бул иштерге катыштыгы бар адамдарды аныктоо иштерин уланууда.
Фото УКМКдан алынды
Муну бөлүшүү
