​Кыргызстан менен Түркиянын ортосунда аба каттамдар көбөйөт

  • 5 ай мурун

Кыргызстан менен Түркиянын ортосундагы аба каттамдардын саны көбөйөт. Бул тууралуу түрк президенти Режеп Тайып Эрдоган 9-июнда айтты.


Ал Кыргызстандын лидери Садыр Жапаров менен жолугушкандан кийин уюштурулган маалымат жыйында буга чейинки каттамдардын саны 28ге көбөйгөнүн кошумчалады.

Тет-а-тет форматындагы жолугушуудан кийин Садыр Жапаров жана Режеп Тайып Эрдоган Кыргызстан менен Түркия ортосундагы Стратегиялык кызматташуунун жогорку кеңешинин 5-жыйынынын алкагында сүйлөшүүлөрдү улантышты.

Садыр Жапаров Түркияга расмий сапары9-июнда башталды. Ал 11-июнга чейин Түркиянын Улуу Улуттук Жыйынынын төрагасы Мустафа Шентоп менен да жолугушат. Кыргызстандын мамлекет башчысы эки өлкөнүн бизнес форумуна катышып, Анкарада иштеп жүргөн мекендештер жана окуп жаткан студенттер менен баарлашмакчы.

Бул Садыр Жапаровдун бешинчи чет элдик сапары болуп калды.

Муну бөлүшүү

Окшош жаңылыктар

Журналисттик иликтөөлөр