Орхан Инандыны таап бергендерге 1 миллион доллар убадаланды
- 3 года мурун
1 – июнга караган түнү белгисиз бирөөлөр тарабынан уурдалган “Сапат” эл аралык билим берүү мекемелеринин башчысы Орхан Инандыны издөө иштери уланууда.
“Сапатта” иштеген, окуган, бүтүргөн жарандар 4 күндөн бери аны аман-эсен табууну бийликтен талап кылып, митинг өткөрүшүүдө.
Бүгүн, 4 – июнда дагы анын тарапташтары эски аянтка митингке чыгышты.
Митингте «Сапат» билим берүү мекемесинин бүтүрүүчүлөрү Орхан Инандынын катылган жери жөнүндө маалымат үчүн 1 миллион доллар төлөп берерин айтышты.
«Төртүнчү күн ал тууралуу эч маалымат жок. Кайдыгер карабаган жарандарга, Президент Садыр Жапаровго кайрылабыз. Биз үчүн ар бир маалымат маанилүү”, — дейт митингчилер.
Эскерте кетсек, Орхан Инанды 31-майдан 1-июнга караган түнү жоголгон. Азыркыга чейин эч кандай маалымат жок. Укук коргоо органдарында анын дайынсыз жоголгону боюнча версиялар дагы жок.
Фото интернеттен алынды
