«Центерра» жана анын туунду компаниялары Кыргызстандын үстүнөн Нью-Йорк сотуна кайрылышты
- 3 года мурун
«Кумтөр» алтын кенинин айланасындагы талаштар боюнча «Центерра Голд компаниясы» жана анын туунду компаниялары болгон «Кумтөр Голд Компани» жана «Кумтөр Оперейтинг Компани» Кыргыз Республикасынын үстүнөн арызданып, Нью-Йорк сотуна кайрылышкан.
«Мындай иш-чаралар Кыргыз Өкмөтүнүн «Кумтөр» кенин негизсиз тартып алышына байланыштуу компанияны андан ары коргоо максатында кабыл алынган»- деп жазылган «Центерранын» билдирүүсүндө.
«Центерранын» президенти жана башкы аткаруучу директору Скотт Перри компания бир нече жолу Кыргыз Өкмөтүн талаштуу кырдаалды талкуулоого чакыргандыгын, бирок кыргыз бийлиги компания менен байланышуудан баш тартканын белгилеген. Ошондой эле Скотт Перри Кыргызстан менен дагы деле конструктивдүү диалогго даяр экенин кошумчалаган.
Фото интернеттен алынды
