Вице-мэр жараксыз абалга келген вакциналардын чыгымын айтты
- 3 года мурун
Бишкек шаарынын вице-мэри Виктория Мозгачева № 2 Үй – бүлөлүк дарыгерлер борборунда муздаткыч өчүрүлүп калып, жараксыз абалга келген 994 «Спутник V» вакцинасынын баасы 840 миң сом болоорун айтты.
«Ар бир вакцина – бул ар бир сакталган өмүр. Коронавирус инфекциясынан корголушу. Вакцина ээрип, жарабай калганы боюнча факты 30-апрелде болгон. Эч кандай жаап-жашыруу болгон жок. Компетенттүү органдар керектүү иликтөө иштерин жүргүзүштү. «Биз коомчулукту ар дайым кабардар кылып турууга даярбыз», — деди вице-мэр.
Бул иш боюнча № 2 Үй – бүлөлүк дарыгерлер борборунун башкы врачы, орун басары жана эмдөө кабинетинин 3 кызматкерине сөгүш жарыяланган.
Чыгымдын ордун толтуруу №2 ҮДБга жүктөлгөн.
Фото интернеттен алынды
Муну бөлүшүү
