Ош-Баткен-Исфана жолу ачылды
- 3 года мурун
Баткен облустук администрациясынын маалымат кызматы Ош-Баткен — Исфана жолунун Төрт — Көчө аймагындагы бөлүгү ачылганын кабарлады.
«Баткен облусунун жетекчиси Өмүрбек Суваналиев менен Согди облусунун башчысы Ражоббой Ахмадзоданын ортосунда сүйлөшүүлөр болду. Эки тарап тең кырдаалды турукташтыруу боюнча комиссия түзүштү. Кыргызстандык комиссиянын курамына: Баткен облус башчысынын орун басары Маруфхан Тулаев, облустук ИИБ башчысы Мурат Боронов жана Чек ара кызматынын аймактык бөлүмүнүн башчысы Кыялбек Төлөнбаев кирди. Учурда Ош — Баткен — Исфана жолундагы кыймыл толугу менен калыбына келтирилди» — деп жазылган облустук өкүлчүлүк тараткан маалыматта.
Ош- Баткен-Исфана жолунун Төрт-Көчө аймагындагы бөлүгү 29-апрель күнү тажикстандык жарандар кыргыз унааларына таш ыргытып, чагымчылыкты баштаган күнү жаап салышкан.
Фото интернеттен алынды
