Кыргыз-тажик чек ара чатагы: Эки облус башчысы сүйлөшүү жүргүзүүдө, 3 айыл аймагында «өзгөчө кырдаал» режими киргизилди
- 3 года мурун
Баткен облусунун башчысы Өмүрбек Суваналиев Тажикстандын Согд облусунун башчысы Ражоббой Ахмадзода менен сүйлөшүүлөрдү жүргүзүүдө.
Чек ара тилкелерине чогулган эки тараптын тең жарандары тарай элек. Ак – Сай, Ак – Татыр, Самаркандек айыл аймактарында «өзгөчө кырдаал» режими киргизилди.
Эске сала кетсек, кыргыз – тажик чек арасындагы жаңжал 28 — апрель күнү түшкө жуук башталган. Тажикстан жарандары «Головной» суу бөлүштүрүүчү жайынын жанындагы электр мамыларына видео көзөмөл камераларын орнотуп баштаганда кыргыз чек арачылары токтотуп калышкан. Эки тараптан эл чогулуп, бири-бирине таш ыргытышкан.
Бүгүн да абал тынчыбай, 29 – апрель күнү таңга жуук, саат 5терде Тажикстан тараптан ок атылып, кыргыз унааларына таш ыргытылган. Кыргызстандык 30 жаштагы бир жарандын көзүнө ок тийип, аймактык бейтапканага жаткырылган.
Фото «Азаттыктан» алынды
