Жанар Акаев: Садыр Жапаровду көрсөткөн депутаттар кылмышкерлердин жардамы менен чогулушкан
- 4 года мурун
Бир катар партиялардын лидерлеринен турган Координациялык кеңеш айрым парламент депутаттары тарабынан Садыр Жапаровдун премьер-министр кызмат ордуна көрсөтүлүшүн тааныбайт.
Координациялык кеңештин өкүлү Жанар Акаев “Азаттыкка” берген маегинде “Достук” мейманканасына депутаттар кылмышкерлердин жардамы менен чогулганын билдирди.
«Мен көптөгөн депутаттар менен сүйлөштүм. 80ден ашык депутат катышкан жок экен. Алар ошол 30 депутатты кылмышкерлердин кийлигишүүсү менен чогултушту. Алар кылмышкерлердин жардамы менен чогултулган. Алар Сооронбай Жээнбеков менен макул болушту, аны президент кылып сактап калууну каалашат. Ошондой эле, алардын Матраимовдор менен тыгыз байланышы бар экендиги жөнүндө маалымат алабыз. Ошентип, алар «Мекеним Кыргызстан» менен «Биримдиктен» өкмөттөрүн тандашты. Бирок биз, депутаттар, дагы бир спикерди сунуш кылганы жатабыз. Ошондой эле, калктын колдоосуна ээ болгон, жаш, чынчыл адамдардан турган өкмөттү сунуш кылабыз. Биз буга чейин депутаттардын 50дөн ашуун колун топтодук жана кворум чогултабыз », — деди ал.
6-октябрда борбордогу «Достук» мейманканасында Жогорку Кеңештин 20 чакты депутатынын жолугушуусу болуп, аны парламенттин кезексиз сессиясы деп аташты.
Жыйында депутаттар добуш берип, ЖКнын жаңы спикерин — “Бир Бол” фракциясынын мүчөсү Мыктыбек Абдылдаевди шайлагандыгын жарыялашты.
Андан кийин дароо Абдылдаевдин төрагалыгы астында жыйындын катышуучулары премьер-министрдин кызмат ордуна Садыр Жапаровдун талапкерлигин жактырышты.
Жыйындын катышуучуларынын чечиминин мыйзамдуулугу карама-каршылыктарды жаратты. «Бүтүн Кыргызстан», «Ата Мекен», «Республика», «Бир Бол» жана башка партиялардан турган координациялык кеңеш «Достук» мейманканасында болгон жолугушуунун мыйзамдуулугун жана анын катышуучуларынын чечимдерин тааныбайт.
Ал арада «Мекен Ынтымагы», «Чоң Казат», «Ыйман Нуру», «Ордо» жана «Реформа» партиялары Элдик Координациялык Кеңеш түзүлгөнүн жарыялашты. Ошондой эле алар Садыр Жапаровдун айрым парламент депутаттары тарабынан өкмөт башчылык кызматка көрсөтүлүшүн тааныбайт.
Булак: «Азаттык»
