Тилек Мураталиев менен коштошуу Кызыл-Дөбө айылында өтөт
- 4 года мурун
“Турар” басмасынын негиздөөчүсү Тилек Мураталиев 20-августта 60 жашында дүйнөдөн кайтты.
Анын жакындары Тилек Мураталиев инфаркттан каза болгонун ЖМКга билдирди.
Тилек Мураталиев 1960-жылы 16-ноябрда Нарын облусунун Кочкор районунун Кызыл-Дөбө айылында туулган.
1977-жылы Кыргыз мамлекеттик университетинин география факультетин аяктаган.Эмгек жолун өзү аяктаган ниверситеттин окутуучулугу кесибинде баштаган.
90-жылдары бизнес жолуна түшүп, кагаз ташып келүү жана полиграфия иштери менен алектенген. 1996-жылы “Турар” басмасын негиздеген.
2017-жылы Кыргызстан жазуучулар союзунун вице-президенти болгон. Ал эми 2019-жылы Жазуучулар союзунун басма иштери боюнча жооптуу катчысы болгон.
Тилек Мураталиев кыргыз маданиятына, адабиятына чоң салым кошкону аттын кашкасындай белгилүү. 2016-жылы “Даңк” медалы менен сыйланган.
Анын артында 4 баласы калды.
Тилек Мураталиев менен коштошуу 22-августта саат 10до Кочкор районунун Кызыл-Дөбө айылында өтөт.
